Infimum e - naturazientzienmuseoa

Latineko infimum hitzak 'oso txikia' edo 'garrantzi txikikoa' esan nahi du.

INFIMUM erakusketak jendeari erakusten dizkio oharkabean joan ohi diren gauzak, oso txikiak direlako, oso agerian ez daudelako (edo ezkutuan daudelako) edo nabaritu ahal izateko azkarregiak edo iheskorrak direlako, edo desesperatzeko bezain motelak.

Carlos Hermosilla naturalista, orkidologo, mikologo, argazkilari eta ilustratzailea da erakusketaren komisarioa. Mundu naturala behatzeko grina dela eta, zenbait argazkilaritza teknikatan trebatu behar izan du, hala nola landa makroan eta muturreko makroan, bai eta mikroskopian eta marrazketa zientifikoan ere, hain txikia denaren mundura iristeko eta bertan gertatzen dena gogoan hartzeko, edo ahalegin handia egin ondoren ikusten ditugun gauzez bakarrik ohartzeko.

Erakusketaren irudi nagusi gisa, ur dilista bat aukeratu da, planetako lorerik txikiena duen landarea. Haren bidez eta mikrokosmos natural infinitua osatzen duten beste elementu tematiko batzuen bidez, bisitariari sarbide bat eskaini nahi zaio ezin hurbilago dagoen mundu batera iristeko, zeina, aldi berean, "ia hautemanezina" baita gure esperientzia arruntean.